വേണ്ടെന്നു വെച്ചിട്ടുംവെറുതെ ;
ഓര്‍ത്തുപോവുകയാണ്‌ നിന്നെ .
കിളിക്കുഞ്ഞിന്റെ
കൊക്കിലമര്‍ന്ന പൂത്തുമ്പിയുടെ ;
പ്രതീക്ഷയടങ്ങിയ ചിറകിന്റെ പിടപ്പും
നിശബ്ദ തേങ്ങലുമായി .
തുമ്പിയുടെ
അതേ അങ്കലാപ്പോടെ .
അവസാന നിശ്വാസത്തോടെ .
നിന്റെ കൈചൂട്കുടഞ്ഞു
നിരത്തിലെ തിരക്കില്‍ -
ഒറ്റപെട്ടു പകച്ചുനില്‍ക്കുമ്പോള്‍
മുഖത്തണിയാന്‍ തേടുകയാണ് ,
ഒരു തിരക്കിന്റെ മുഖംമൂടി .
അരികില്‍ അകലങ്ങളുടെ
അലുക്ക് വെച്ച് മോടിയാക്കിയ
മുഖംമൂടി .
അകലത്തല്ലാതിപ്പോഴും
കേള്‍ക്കുന്ന നിന്റെ വിളിയൊച്ച
കാതിലെത്താതിരിക്കാന്‍ .
ആകാശം നോക്കി
ഉറക്കെ വിളിച്ചു ശകാരിക്കയാണ്
ഞാനൊരില്ലാ... മുകിലിനെ .
നിന്നെപോലെ ഏതു നിമിഷവും
എന്നെ നനയിക്കാന്‍പോന്ന
ഒരു കരിമുകിലിനെ .
എനിക്കറിയാം
നീ പെയ്തുവന്നാല്‍
നിന്നെ തടുക്കാന്‍
ഒരു കുട എനിക്കിതുവരെയില്ലെന്ന് .
കുട കിട്ടിയോ ആവോ.
മറുപടിഇല്ലാതാക്കൂ