ശലഭചിറകുകള്‍ വെട്ടിപിടിച്ച
നിറങ്ങള്‍ തന്‍ തണലില്‍ ഞാന്‍ ..
താവളം തേടി അലയുകയാണ് .
നിന്റെ നിറം നീല ആയിരുന്നു അന്ന്
നീല നിറത്തില്‍ ആകാശം
മുന്നേ അഭയം തേടിയെത്തിയിരുന്നു .
കൈതോടും , പുഴയും , കടലും സമുദ്രവും
നീലകുറുഞ്ഞിപൂക്കളും,നിലാവും ..
പിന്നെ നിന്റെ നീലകണ്ണുകളും
അഭയം ആരാഞ്ഞു വന്നപ്പോള്‍
എന്റെ നീലഞരമ്പിനു
അഭയം തേടുന്നതെങ്ങിനെ?
നിന്റെ നിറം പച്ചയായപ്പോള്‍
കാടും , മലയും , താഴ്വാരങ്ങളും , നെല്‍പാടവും
തത്തയും തവളയും , പച്ചളി പാമ്പും
പച്ചയാഥാര്‍ത്തങ്ങളും ഓട്ടിന്‍പുറത്തെ
വഴുത്ത പച്ചപ്പും ..അമ്പലകുളവും
പിന്നെ നിന്റെ കയ്യിലെ പച്ചകുത്തിയ അടയാളവും
അഭയം ആരാഞ്ഞു വന്നപ്പോള്‍
എന്റെ ഹരിതാഭ സ്വപ്നങ്ങള്‍ക്ക്
അഭയം തേടുവതെങ്ങിനെ ?
നിന്റെ നിറം മഞ്ഞയായപോള്‍
സൂര്യകാന്തിയും ,മഞ്ഞമന്ദാരവും മുക്കുറ്റിയും
വെയിലും, വെന്ത ഇലകളും
മഴക്കാറുള്ള സന്ധ്യയും,തേനും
പിന്നെ നിന്റെ സുവര്‍ണശോഭയുള്ള
മുഖവും അഭയം ആരാഞ്ഞു വന്നപ്പോള്‍
എന്റെ മഞ്ഞകൈപത്തിക്ക്അഭയം
എങ്ങിനെ തേടുവാന്‍ ?
നിന്റെ വര്‍ണ്ണം ചുവപ്പായപ്പോള്‍
വിപ്ളവവും, ഉദയാസ്തയമങ്ങളും
ചെങ്കല്ലും ..അപകട വെളിച്ചവും
ചുവപ്പ് റോസും , മുരുക്കുംപൂവും അശോകപൂവും
പിന്നെ നിന്റെ ചെഞ്ചുണ്ടുകളും
അഭയം തേടി വരുമ്പോള്‍
ഞാന്‍ എന്റെ ഹൃദയം കൂടി
ഒളിച്ചു വെക്കുന്നതെവിടെ ?
എനിക്ക് ഒളിച്ചിരിക്കാന്‍
ഒരു നീലാകാശം-
ഒരു കാടോ ,താഴ്വരയോ ;
ഒരു വെയില്‍ തുണ്ടോ -
ഒരു ശലഭ തണലോ -
ഒരു തുടം ചോരയെങ്കിലും തരൂ.
ഒരു തുടം ചോരയെങ്കിലും തരൂ.
@@@@@@@@@@@@@@@@
.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
കുറിപ്പ്: ഈ ബ്ലോഗിലെ ഒരു അംഗത്തിനു മാത്രമേ അഭിപ്രായം പോസ്റ്റ് ചെയ്യാന്‍ കഴിയൂ.