എന്റെ കണ്ണാടിക്കു ഭ്രാന്തു പിടിച്ചു
കുളിച്ചു കണ്ണാടിക്കു മുന്നില്‍ -
ഒരു പൊട്ടു വെക്കാന്‍ നിന്നതായിരുന്നു ,
എന്റെ കണ്ണാടി ഒരു ദേവതയെ
എനിക്ക് മുന്നില്‍ കൊണ്ടുവന്നു
അവളുടെ നെറ്റിയില്‍ ഉദിക്കുന്ന
സൂര്യഗോളം പൊട്ടായി ഉണ്ടായിരുന്നു.
കയ്യിലുള്ള sticker പൊട്ടും വെച്ച്
ഞാന്‍ പകച്ചു നിന്നു.
എന്റെ കണ്ണാടിക്കു ഭ്രാന്തു പിടിച്ചു !
വീണ്ടും നോക്കുമ്പോള്‍ -
ഒരു വികൃത രൂപം കണ്ണാടിക്കുള്ളില്‍
മരിച്ച കണ്ണുകളും കറുത്ത പല്ലുകളും
ഇനിയൊരിക്കലും നോക്കില്ലെന്നു
ഉറപ്പിച്ച്ചാലും മനസ്സുറക്കുന്നില.
ഈ പ്രാവശ്യം നോക്കിയപ്പോള്‍
അതിനുള്ളില്‍ നിന്നും ഒരു വെടിയുണ്ട
ചീറിപാഞ്ഞു പുറത്തേക്ക് വരുന്നു.
കണ്ണടച്ചില്ലായിരുന്നെങ്കില്‍-
അതെന്റെ കൃഷ്ണമണികളെ
കുന്നികുരുക്കളാക്കി മാറ്റിയേനെ!
എന്റെ കണ്ണാടിക്കു ഭ്രാന്തുപിടിച്ചു
ഇന്നും അതെന്റെ നേര്‍ക്ക്
ചുവന്ന രക്തത്തില്‍ പൊതിഞ്ഞ
നീലഹൃദയം എടുത്തു നീട്ടി .
എന്റെ തുറിച്ച കണ്ണുകളെ നോക്കി
അത് ഞെട്ടി മിടിച്ചു കോണ്ടേ ഇരിക്കുന്നു .
ഞാനിത് എവിടെ വെക്കും ?
ചോര കുഞ്ഞിനെ പോലെ എനിക്കിത്
മടിയില്‍ വെക്കനാവുമോ ?
പ്രേമത്തോടെ നെഞ്ചോടു ചെര്‍ക്കാനാവുമോ ?
ഇതിലും വലിയ പാരിതോഷികങ്ങള്‍
ഭ്രാന്തന്‍ കണ്ണാടി നീട്ടി തരും മുമ്പേ
ഞാനതിനെ അടിച്ചുടച്ചു .
വീണുടഞ്ഞ ചില്ലുകള്‍ പെറുക്കാന്‍
ഞാനെന്റെ തലയിണയിലെ
പഞ്ഞി മുഴുവന്‍ പുറത്തെടുത്തു .
കുടവയര്‍ കുലുക്കി ചിരിക്കുന്ന -
ചാരനിറമുള്ള ഫാനിന്റെ കൈകള്‍
അവയെ മുറിക്കുള്ളില്‍ പറത്തി.
എന്റെ കണ്ണാടിക്കാണ് ഭ്രാന്ത്
എനിക്കല്ല ദയവായി
എല്ലാവരും ഇത് വിശ്വസിക്കൂ .
എന്റെ കണ്ണാടി ചില്ലുക്കള്‍ക്കിടയില്‍
നിറയെ ഭ്രാന്താണ്
തിളങ്ങുന്ന എല്ലുകള്‍ക്കിടയിലൂടെ
വയലറ്റ് ചോരയും ഒലിപ്പിച്ചു
ഇപ്പോഴും അതെന്നെ നോക്കി
ആര്‍ത്തു ചിരിക്കയാണ് .
.
