ഈ രാത്രി വിടവാങ്ങി മറയുമ്പോള്‍ ,
തേടുകില്ലിനി ഒരുപാടിഷ്ടം ഞാന്‍ -
ഒരു മഞ്ഞുതുള്ളി പുല്‍നാമ്പില്‍-
തങ്ങി നില്പോളം ,
ഒരു വെയില്‍ നാളം ഇതള്‍ പൊഴിപോളം,
ഒരു മഴയില്‍ മറഞ്ഞിടും
മഴവില്ലിന്‍ പകിട്ടോളം,
ഒരു തീവണ്ടി കൂവിപാഞ്ഞു
മുന്നില്‍ മറഞ്ഞു പോകുവോളം,
പുലരുമ്പോള്‍ കാണും ഒരു കിനാവോളം ,
ഒരു തിരവന്നു മടങ്ങി പോം നൊടിയോളം.
ഒരുപാടിഷ്ടം ഇനി ഞാന്‍ തിരവീല ഒരുനാളും .
ഒരു മൌനം ജന്മദുഖമായ് പേറിടാന്‍ .
ഒരോര്‍മ പോല്‍ തെളിമിന്നാന്‍ ,
ഒരിക്കല്‍ കണ്ട നീലികുറുഞ്ഞി പൂക്കാലം പോല്‍ -
ഓര്‍മയില്‍ സൂക്ഷിക്കാന്‍ .
ഒരു മിന്നുപോല്‍ തെളിമ മായാതെ-
ചന്ദന ചെപ്പിലിട്ടു പൂട്ടാന്‍ ,
ഒരുപാടിഷ്ടം ഞാന്‍ തിരയിലാ ഇനി ഒരുനാളിലും.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
കുറിപ്പ്: ഈ ബ്ലോഗിലെ ഒരു അംഗത്തിനു മാത്രമേ അഭിപ്രായം പോസ്റ്റ് ചെയ്യാന്‍ കഴിയൂ.