ദേഷ്യം തീര്‍ക്കാന്‍ വെറുതെ ഒന്നെറിഞ്ഞതാ
ചന്ദ്രനില്‍ അറിയാതെ പോറല്‍ വീണു .
ആ കറുത്ത പാട് എന്റെ ഏറുകൊണ്ട്
ചോര കക്കിയതാ!!
ആരും ചോദിച്ചില്ലെങ്കിലും -
നീ ഇതൊന്നും പറഞ്ഞു പോവരുത്.
കടലില്‍ ഒന്നുരണ്ടു വട്ടം -
കഴുകി എടുത്തു ഞാന്‍ അവനെ.
വെളുത്ത സ്ഫടിക തളിക പോലെ
തിളങ്ങാന്‍ ഞാന്‍ എത്ര-
കെഞ്ചി കേട്ടു അവനോടു.
സൌരയൂഥത്തോട് ചോദിക്കണം പോലും!.
ഇപ്പൊ വരാം എന്ന് പറഞ്ഞു മുങ്ങിയതാ.
പതിനാലു നാളാവുന്നു...ഇത് വരെ വന്നില്ല .
വാക്ക് പറഞ്ഞാല്‍ വാക്കാകാത്തവരെ
എന്തോ വിളിക്കൂലോ...
അത് ഞാന്‍ അവനെ വിളിച്ചിരിക്കുന്നു.
കറുപ്പിലെവിടെയോ ഒളിച്ചിക്കുകയാണ്-
ആ ത #*# ഇല്ലാത്തവന്‍ .
നീ ഇതൊന്നും ആരോടും പറയണ്ട കേട്ടോ.
OOOO
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
കുറിപ്പ്: ഈ ബ്ലോഗിലെ ഒരു അംഗത്തിനു മാത്രമേ അഭിപ്രായം പോസ്റ്റ് ചെയ്യാന്‍ കഴിയൂ.