വൈകിപ്പോയി -
നിന്റെ നോട്ടം മിന്നിമറിച്ചുകൊണ്ടു
സമയം ഒട്ടേറെ മുന്നോട്ടു പോയിക്കഴിഞ്ഞിരുന്നു .
പിടിച്ചു നില്ക്കാന്‍ കടലിന്റെ കച്ചിതുമ്പില്‍
ചോര വാര്‍ന്നു നില്‍ക്കും
അസ്തമന സൂര്യനെപ്പോലെ ..
വൈകിപ്പോയിരുന്നു തളര്‍ന്നൊരാ ദിവസം .
ഇരുട്ടിനു നേരെ ഈ നേര്‍ത്തപുഞ്ചിരിക്കിനി
അഗാധഗര്‍ത്തങ്ങളെ വെളിപ്പെടുത്താനാകില്ല .
കപ്പല്‍ തുറകള്‍ക്കിടയില്‍ .
നേര്‍ത്ത വെട്ടം ഇപ്പോഴുമുണ്ട്
യുദധകോപ്പുകള്‍ അവയ്ക്കുള്ളറയിലിരുന്നു
ദീര്‍ഘനിശ്വാസമിട്ടു .
പശ്ചാത്താപത്തോടെ .
നീലപ്പുള്ളിക്കുത്തിട്ട നക്ഷത്രങ്ങള്‍ക്ക്
വഴികാട്ടാന്‍ മാത്രമേ അറിയൂ ..
നല്ലവഴി നയിക്കാന്‍ അറിഞ്ഞുകൂടല്ലോ .
വെള്ളം കയറ്റിയ ഒരു തോണി വരുന്നതും കാത്ത് ..
കരയില്‍ ദാഹത്തോടെ ഒരു പിടി വിത്തുകളും
ഞാനും ഇരിപ്പുണ്ട് .
വീണ്ടും വെള്ളമൊഴിച്ച്...
വളര്‍ത്തി വലുതാക്കാന്‍ ,
ഒരു കൈ ഇല്ലാതിരിക്കില്ല .
അതിനുമുമ്പേ നീ വരാതിരിക്കില്ല .
******************************************
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
കുറിപ്പ്: ഈ ബ്ലോഗിലെ ഒരു അംഗത്തിനു മാത്രമേ അഭിപ്രായം പോസ്റ്റ് ചെയ്യാന്‍ കഴിയൂ.