മറയുന്ന രാഗ സന്ധ്യേ ..
മനസിന്റെ പൊന്‍ മണി ചെപ്പില്‍
മധുവായ് നീ വന്നു നിറയുമോ
വെറുതെ പൊഴിയുമീ ......
നിറമുള്ള പൂക്കളില്‍ ,
കുളിരായ് നീ വന്നു നിറയുമോ ?
ഒരു നേര്‍ത്ത നിശ്വാസം പോല്‍
അകലെ മറയുമ്പോള്‍
അകതാരില്‍ പിടക്കുന്നു സൂര്യനും.
ദൂരെ മിഴിചിമ്മി നിന്നെ വിളികുന്നോ
താരകള്‍ വിളക്കുവെക്കും കിന്നര ലോകം!
അരികത്തൊന്നിരിക്കാനോ ,
അലിവോടെ അണക്കാനോ ,
അരനാഴിക പോലും നിനക്കില്ലെന്നോ ?
ഒരു നോക്കിനായ് -
ഒരു വാക്കിനായ്‌ തപിച്ചെങ്കിലും,
ഒരു മൌനംമാത്രമായ്-
ഒതുങ്ങുന്നു അതെന്നും.
എന്തെല്ലാം പോയാലും മോഹിപ്പൂ
എല്ലാം നശിച്ചാലും ആശിപൂ മര്‍ത്യന്‍
ഇനിയും വരുമെന്നും
ഒരു സന്ധ്യ നാളെ വീണ്ടും വരുമെന്നും .
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
കുറിപ്പ്: ഈ ബ്ലോഗിലെ ഒരു അംഗത്തിനു മാത്രമേ അഭിപ്രായം പോസ്റ്റ് ചെയ്യാന്‍ കഴിയൂ.