നിന്‍ നിഴല്‍ വീഴുകില്ലെങ്കിലീ -
യമുന നിശ്ചലം .
നിന്‍ മയില്‍പീലികള്‍ തൊട്ടുഴിയുകില്ലെങ്കിലീ-
യമുന നിശ്ചലം .
നിന്‍ കാര്‍ചുരുളുകള്‍ മഴയായ് പെയ്യില്ലെങ്കില്‍ -
യമുന നിശ്ചലം .
നിന്‍ മകരകുണ്ഡലം മീനായ്‌ ഇളകുകിലെന്കില്‍ -
യമുന നിശ്ചലം.
നിന്‍ അരവിന്ദ നയനങ്ങള്‍ പുണ്യമായ് പൂക്കില്ലെങ്കില്‍ -
യമുന നിശ്ചലം .
നിന്‍ ശ്വാസകാറ്റേറ്റു തുടിച്ചില്ലെങ്കില്‍ -
യമുന നിശ്ചലം .
നിന്നധര ചുംബനം ഏറ്റുപാടും മുരളീഗീതിയില്ലെങ്കില്‍ -
യമുന നിശ്ചലം .
ശംഖു കഴുത്തിന്‍ ദര്‍ശനമില്ലെങ്കിലീ -
യമുന നിശ്ചലം .
വാടമലര്‍ വനമാലിതന്‍ സൗരഭമില്ലെങ്കിലീ -
യമുന നിശ്ചലം .
നിന്‍ കൌസ്തുഭ ചന്ദനമലിഞ്ഞില്ലെന്നാല്‍ -
യമുന നിശ്ചലം .
നിന്‍ പൊന്നരമണികള്‍ കണികൊന്നയായ് പൂത്തിലെങ്കില്‍ -
യമുന നിശ്ചലം .
നിന്റെ മഞ്ഞപട്ടാടകള്‍ വേദമന്ത്രമാവുകിലെങ്കില്‍ -
യമുന നിശ്ചലം .
നിന്റെ കാല്‍തളകള്‍ മൌനമാകുകില്‍ -
യമുന നിശ്ചലം .
നിന്‍ വിരല്‍ തുമ്പാല്‍ തൊട്ടുണര്‍ത്തുകയില്ലെങ്കില്‍ -
യമുന നിശ്ചലം .
എന്നെന്നും യമുന നിശ്ചലം .
ദേവാ ! യമുന നിശ്ചലം .
എന്നിട്ടുമെന്തേയെന്നോടക്കുഴല -
മറുപടിഇല്ലാതാക്കൂതിനെക്കുറിച്ചിനിയും പാടാത്തതെന്തേ !!